በደቡብ ክልል ምክንያታዊ ያልሆነ የዋጋ ጭማሪ ባደረጉ አካላት ላይ እርምጃ እየተወሰደ ነው

የቢሮው ኃላፊ ወይዘሮ ሒክማ ከይረዲን፥ 2013 በጀት ዓመት አላስፈላጊ የዋጋ ጭማሪ በማድረግ በኢትዮጵያ በተከፈተው ጦርነት ምክንያት የኢኮኖሚ መቃወስና የኢኮኖሚ አሻጥር የፈጠሩ 4 ሺህ 952 ነጋዴዎች የቃልና ጽሁፍ ማስጠንቀቂያ ተሰጥቷቸዋል ብለዋል።

ከዚህ ባለፈም 20 ሺህ 457 የንግድ ድርጅቶችን የማሸግ፣ 7 ሺህ 595 የንግድ ድርጅቶችን ማገድ፣ 22 ነጋዴዎች ባደረሱት ጥፋት ጉዳያቸው በፍርድ ቤት ታይቶ ከስድስት ወር እስከ 2 ዓመት ተኩል የእስራት ውሳኔ እንዲበየንባቸው ተደርጓልም ነው ያሉት።

አሁን ላይ የሚታየውን የኢኮኖሚ አሻጥር በመፍጠር ሀገር ለማፍረስ ከሚንቀሳቀሱ አካላት ጋር በተሳሳተ መንገድ ተባባሪ የሆኑ እንዲያርሙና ሆን ብለው አቅደውና አሲረው የሽብር ተግባርን የማስቀጠል ተግባር ላይ የተሰማሩት ላይ የማያዳግም ህጋዊ እርምጃ በመውሰድ ፣ ህጋዊነትን ለማስፈን በየደረጃው የሚገኙ አመራር እና ባለድርሻ አካላትን በማሳተፍ በቁርጠኝነት እየተሰራ እንደሚገኝ ገልጸዋል።

በማቴዎስ ፈለቀ