መስከረም 24 መንግስት እንደሚመሰረት አፈ ጉባኤው አስታወቁ

አፈ ጉባኤው ለጋዜጠኞች በሰጡት መግለጫ በሕገ መንግስቱ መሰረት መስከረም መጨረሻ ባለው ሰኞ የመንግስት ምስረታ ይካሄዳል ብለዋል።

በብሄራዊ ምርጫ ቦርድ ይፋ በተደረገው የምርጫ ውጤት መሰረት መንግስት መመስረት የሚያስችል ሕጋዊ አካሄድ እንዳለም አፈ ጉባኤው ገልጸዋል።

ምክር ቤቱ በህገ መንግስቱ በተሰጠው መብት መሠረት ህግ በማውጣት የክትትልና ቁጥጥር ለይምሰል ሳይሆን በተጨባጭ ችግሮችን የሚፈታ እንዲሆን ለማድረግ በህዝብ ውክልና ስራ ላይም የሀገራዊ ሪፎርሙ አንድ አካል ለማድረግ ስራዎች መሰራታቸውን አንስተዋል፡፡

በስድስተኛው ሀገራዊ ምርጫ ተሳትፎ ያደረገው ህዝብም አስተያየት የሚሰጥበት፣ ጥያቄ የሚጠይቅበት አሰራር ተግባራዊ ይደረጋል ተብሏል፡፡

ሀገራችን ከዚህ በፊት ካሳለፈችው ታሪክ አንፃር አሁን ያለንበትንም ሁኔታ የምንሻገረው ነው ብለዋል።

አዲስ የሚመሰረተው የሕዝብ ተወካዮች ምከር ቤት እውነተኛ የሕዝብ ውክልና ያለው ምክር ቤት እንደሚሆንም ያላቸውን እምነት ገልጸዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለ