የከተማ አውቶብሶቹን ከማዕከል ሆኖ መቆጣጠር የሚያስችል መከታተያ ሊገጠም ነው

መከታተያው አውቶብሶቹ የት መስመር ላይ እንዳሉ እና ረጅም ጊዜ ያለ ስራ እንዳይቆሙ የምልልስ ፍጥነቱን ለማስተካከል እንደሚያግዝ በድርጅቱ የብዙኀን ትራንስፖርት ስምሪት እና ቁጥጥር ዋና ኃላፊ አቶ መላኩ ካሳዬ ተናግረዋል።

ከሰሞኑ በመስመር ቁጥር 30 አውቶብስ ላይ አላግባብ የዋጋ ጭመሪ ተደርጓል በሚል ለቀረበው ቅሬታም፥ ከዛሬ ጀምሮ በመስመሩ ላይ የታሪፍ ማስተካከያ በማድረግ ከ8 ብር እስከ 5 ብር እንደ ርቀቱ ተሳፋሪዎች እንዲጠቀሙ ይደረጋል ብለዋል፡፡

ከነሐሴ 16 ቀን ጀምሮ ጀምሮ መንገድ ትራንስፖርት ሚኒስቴር ባወጣው ታሪፍ አገልግሎቱን እየሰጠ መሆኑንም ገልጸዋል።

ለአዲስ ዓመትም ተማሪ ስለሚኖር የትራንስፖርት ተጠቃሚው ቁጥር እንደሚጨምር በማሰብ በተለያየ ምክንያት ጉዳት ደርሶባቸው የቆሙ አውቶብሶችን ወደ ስራ ለማስገባት ዝግጅት እየተደረገ ነው ብለዋል፡፡

ድርጅቱ በአዲስ አበባ እና አካባቢዋ በ125 መደበኛ እና በ10 ልዩ መስመሮች የብዙኀን ትራንስፖርትአገልግሎት እየሰጠ መሆኑን ኃላፊው ተናግረዋል፡፡