የደቡብና የጋምቤላ ክልል ርዕሰ መስተዳድሮች በሚዛን አማን እየተገነባ ያለውን የአውሮፕላን ማረፊያ ጎበኙ

የአየር ማረፊያ ግንባታው ማስጀመሪያ የመሰረተ ድንጋይ ከጥቂት ወራት በፊት በጠቅላይ ሚኒስትር ዐቢይ አሕመድ መቀመጡ ይታወሳል፡፡

የፕሮጀክቱ ስራ አስኪያጅ አቶ ሳምሶን በላቸው ፥ ለግንባታው የሚያስፈልጉ ቅድመ ዝግጅቶች ተደርገው አሁን ላይ ወደ ግንባታ መገባቱን ተናግረዋል፡፡

ለግንባታው ወደ አንድ ቢሊየን የሚጠጋ በጀት የተያዘ ሲሆን፥ 2 ነጥብ 8 ኪሎ ሜትር መንደርደሪያ ይሰራል ብለዋል፡፡

በዚሁ ወቅትየደቡብ ክልል ምክትል ርዕሰ መስተዳድር አቶ እርስቱ ይርዳ፥የፕሮጀክቱ ግንባታ በቶሎ መጀመሩ አበረታች መሆኑን አንስተው ፥በተያዘለት ጊዜ እንዲጠናቀቅ የክልሉ መንግሥት አስፈላጊውን ትብብር ያደርጋል ብለዋል፡፡

ፕሮጀክቱ ከተጠናቀቀ የአካባቢውን ሁለንተናዊ እንቅስቃሴ ለማጎልበት ትልቅ ሚና እንደሚኖረውም አመልክተዋል፡፡

የጋምቤላ ክልል ርዕሰ መስተዳድር አቶ ኡሞድ ኡጁሉ በበኩላቸው፥ በግንባታው መጀመር ደስተኛ መሆናቸውን ተናግረው የጋምቤላ ክልል መንግሥትና ህዝብ ሁለንተናዊ ድጋፍ ያደርጋል ብለዋል፡፡

በጋምቤላ ክልል ለግንባታ የሚያስፈልጉ ግብዓቶች በስፋት ስለሚገኙ መጠቀም እንደሚቻለም ተናግረዋል ሲል ደሬቴድ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!