ህዝቡ መከላከያን ለመቀላቀል እያሳየው ያለው ተነሳሽነት ለጥፋት ኃይሎች የሞራል ሥብራት ነው -ኮሎኔል ጌትነት አዳነ

ኮሎኔል ጌትነት አዳነ በተለይም ለኢትዮጵያ ፕሬስ ድርጅት እንደገለጹት፥በሰሜን ኢትዮጵያ በተከሰተው ጦርነት የኢትዮጵያ ህዝብ እያደረገው ያለው ርብርብ ለመከላከያ ሠራዊቱ ብቻ ሳይሆን ከአገር ውጭ ላለው ዲያስፖራ ሁሉ ወኔ ሆኗል።

ከአርሶ አደር እስከ አርብቶ አደር፤ ከተማሪ እስከ አስተማሪ በየትኛውም ዘርፍ የተሰማራ ሁሉ ለመከላከያ ያለውን ድጋፍ አሳይቷል። ይህም በአገሪቱ ታሪክ በደማቁ የሚጻፍ ነው ብለዋል።

ህዝቡ በነቂስ ለመከላከያ ድጋፍ መውጣቱ ለሠራዊቱ የሞራል ስንቅ እንደሚሆን የገለጹት ኮሎኔል ጌትነት፥ ለማሸነፍ የስነ ልቦና ሙሉነት ወሳኝ መሆኑን ተናግረዋል። በአሁኑ ጊዜ ሁሉም ለአገሩ ወታደር መሆኑንም ተናግረዋል።

ህብረተሰቡ የገንዘብና ስንቅ ድጋፍ ከማድረግ በተጨማሪ ግንባር ድረስ ሄዶ ለመዋጋት እያሳየ ያለው ተነሳሽነት ለጥፋት ኃይሎች ጭንቀት ሆኖባቸዋል።

እንደ ኮሎኔል ጌትነት ገለጻ፥ለጥፋት የተነሳው የህወሓት የሽብር ቡድን ገበሬ ምሁር አይልም፤ ሁሉንም እያጠፋ ነው፤ በተለይም ገበሬውን አጥፍቶ ታይቷል።

በመሆኑም በየትኛውም ዘርፍ ያለ ሰው የሚዘምተው ለህልውናው ነው ብለዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!