የድሬደዋ ሪፈራል ሆስፒታል ግንባታን ለማጠናቀቅ የሚያስችል የ350 ሚሊየን ብር ውል ተፈረመ

ፊርማውን የዩኒቨርሲቲው ፕሬዚዳንት ዶክተር ዑባህ አደም እና የኤቢ ኮንስትራክሽን ተወካይ አቶ ኢዛና አከለው አኑረዋል።

ተደጋጋሚ የዋጋ ግሽበትና የሆስፒታሉ ባለቤትነትን ወደ ድሬዳዋ ዩኒቨርስቲ የማዞር ሂደቶች ፕሮጀክቱን እንዲጓተት እዳረገው የተናገረው ኤቢ ኮንስትራክሽን፣ አሁን ላይ ግን በተቀመጠው ቀነ ገደብ ለማጠናቀቅ እንደሚሰራ ተወካዩ ተናግረዋል።

ሆስፒታሉን በ2012 ዓ.ም ከከተማ አስተዳደሩ የተረከበው የድሬደዋ ዩኒቨርስቲ በበኩሉ፥ ላለፋት ሁለት ዓመታት የተለያዩ የሰነድ ዝግጅቶችን ሲያደርግ መቆየቱን ገልጿል።

የዩኒቨርስቲው ፕሬዝዳንት ዶክተር ዑባህ አደም በዚሁ ወቅት እንደተናገሩት ሆስፒታሉ በየዩኒቨርሲቲው ስር መተዳደሩ ለማህበረሰቡ ከሚሰጠው በዘለለ፣ ተማሪዎች ተግባር ተኮር ትምህርት እንዲያገኙ ያስችላቸዋል ብለዋል።

የድሬደዋ ሪፈራል ሆስፒታል የማስፋፊያ ግንባታ በአንድ ዓመት ተኩል ይጠናቀቃል ተብሎም ይጠበቃል።

በእዮናዳብ አንዱዓለም

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!