የቡርጂ ልዩ ወረዳ ነዋሪዎች ለሀገር መከላከያ ሰራዊት 22 ሰንጋዎችን ድጋፍ አደረጉ

የልዩ ወረዳው ብልጽግና ፓርቲ ጽሕፈት ቤት ሃላፊ ማሬ አለማየሁ እንዳሉት፥ እስከ አሁን የልዩ ወረዳው ህዝብ 8 ሚሊየን ብር ግምት ያለው የአይነትና የጥሬ ገንዘብ ድጋፍ አድርገዋል።

ነዋሪዎቹ 300 ኩንታል ጤፍ፣3 ሚሊን ብር ጥሬ ገንዘብ፣27 በግና ፍየል እንዲሁም ልዩ ልዩ ደረቅ ምግቦችን ድጋፍ አድርገዋል።

በዛሬው እለትም 22 ሰንጋዎችን ለሀገር መከላከያ ሰራዊት ድጋፍ ማድረጋቸው ተገልጿል።

በቀጣይም የልዩ ወረዳው ህዝብ የትኛውንም አይነት ድጋፍ ለማድረግ ዝግጁ መሆኑን ሰንጋዎቹን ለደቡብ ክልል ሀብት አሰባሳቢ ኮሚቴ ባስረከቡበት ወቅት ተናግረዋል ።

የክልሉ ሀብት አሰባሳቢ ኮሚቴ አባል የሆኑት አቶ መኮንን መኔቦ፥ ከክልሉ የተለያዩ አካባቢዎች ለሀገር መከላከያ የሚደረገው ልዩ ልዩ ድጋፍ ተጠናክሮ መቀጠሉን ጠቁመው ፥ ህዝቡ የህልውና ማስከበር ዘመቻው በስኬት እስኪጠናቀቅ ድረስ እንዲቀጥል መጠየቃቸውን ከደቡብ ክልል ኮሙዩኒኬሽን ጉዳዮች ቢሮ ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!