በ2014 የኢሬቻ በዓል አከባበርን የተመለከተ ውይይት ተካሄደ

የዘንድሮ የኢሬቻ በዓል መስከረም 22 ቀን 2014 ዓ.ም በፊንፊኔ እንዲሁም መስከረም 23 ቀን 2014 ዓ.ም በቢሾፍቱ እንደሚከበር ታውቋል።

የውይይት መድረኩን የኦሮሚያ ባሕልና ቱሪዝም ቢሮ ከአባ ገዳዎች ሕብረት ጋር በመተባበር ነው የተዘጋጀው፡፡

በመድረኩ የኦሮሚያ ባሕልና ቱሪዝም ቢሮ ሃላፊ አቶ ከበደ ዴሲሳ÷ 2013 በበርካታ ፈተናዎች ውስጥ አልፈን ትልልቅ ድሎች ያስመዘገብንበት ወቅት ነበር ብለዋል፡፡

በ2014 ድሎቻችንን አጠናክረን በአሸናፊነት መንፈስ በርካታ ተግባራትን የምናከናውንበት ይሆናልም ነው ያሉት፡፡

የዘንድሮ የኢሬቻ በዓልም ባህላዊ እሴቱን ጠብቆ እንዲከበር ዝግጅት ተደርጓል።

በዓሉ የይቅርታ፣ የምስጋናና ኦሮሞዎች በአንድ ላይ ሆነው ፈጣሪያቸውን የሚያመሰግኑበት መሆኑንም ተናግረዋል ።

“ኢሬቻ የኦሮሞ ህዝብ የአንድነት ምልክት መሆኑን ትውልዱ መገንዘብ አለበት” ሲሉም ነው ያስታወቁት።

የኢሬቻ በዓል ከዚህ ቀደም በተከበረበት ሁኔታ ላይ እንዲሁም በ2014 የበዓሉ አከባበር በሚያመላክት አቅጣጫ ላይ ውይይት እየተደረገ ይገኛል፡፡

በሙሉ ዋቅሹሜ