ለህወሓትና ሸኔ ድጋፍ ሲያደርጉ የነበሩ ድርጅቶችና ግለሰቦች ላይ ምርመራ እየተካሄደ ነው-የሐረሪ ክልል ጠቅላይ አቃቢ ህግ

የጠቅላይ አቃቢ ህግ ቢሮ ሐላፊ አቶ አዩብ አህመድ ፥ ከፌደራል ብሄራዊ መረጃና ደህንነት ፣ የመከላከያ ምስራቅ ዕዝ ፣ የፌደራል ፖሊስ ፣ የክልሉ ፖሊስ እና ሌሎች የፀጥታ አካላት በቅንጅት እየሰሩ መሆናቸውን ገልጸዋል።

በዚህም ሽብረኞቹን ህወሓትና ሸኔን በገንዘብና በቁሳቁስ ይደግፋሉ የተባሉ በርካታ ግለሰቦች በቁጥጥር ስር ውለው የተወሰኑት መለቀቃቸውና ሌሎች መረጃና ማስረጃ ተገኝቶባቸው ምርመራው ቀጥሏል ብለዋል፡፡

በዚህም 7 ድርጅቶች ታሽገው ምርምራ እየተደረገባቸው ሲሆን፥ 11 ተሸከርካሪዎች ደግሞ ስራ እንዲያቆሙ መደረጉን ገልጸዋል።

ይህ ውጤት ሊመዘገብ የቻለው የፀጥታ ሃይሉ በተለይም የመከላከያ ሰራዊቱ አካል የሆነው ምስራቅ ዕዝ መረጃ በመሰብሰብ ፣ በመተንተንና በማደራጀት እንዲሁም የሓይል ስምሪቱን በግንባር ቀደምትነት እየሰራ በመሆኑ ነው ብለዋል፡፡

የህወሓትና የሸኔ የሽብር ሃይሎች በክልላችን የተደራጀ ወንጀል እና የሽብር ስራ እንዳይሰሩ ከመከላከል አንፃር መከላከያ ሰራዊቱ እያበረከተው ያለው የአንበሳውን ድርሻ የሚይዝ ሲሆን ፣ ሌሎች የፀጥታ ሃይሎች ጥምረትም ለተገኘው ውጤት ከፍተኛ ድርሻ ነበራቸው ነው ያሉት።

በቀጣይነትም ሽብርተኞችን በገንዘብም ይሁን በቁሳቁስ የሚደግፉ ግለሰቦችንም ሆነ ድርጅቶችን ተከታትሎ ለህግ የማቅረብ ስራችንን አጠናክረን እንቀጥላለን ማለታቸውን ከመከላከያ ሰራዊት የፌስ ገጽ ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!