የደሴ ከተማ የንግዱ ማህበረሰብ ለጸጥታ ሀይሉ ድጋፍ አደረጉ

ግንምባር ድረስ በመገኘት ድጋፉን ያደረጉት ነዋሪዎቹ፥ ለሀገር ህልውና ጁንታውን በመደምሰስ እየተዋደቀ ላለው የሀገር መከላከያ እንዲሁም የአማራ ልዩ ሀይልና ሚሊሻ ድጋፍ ማድረጋችን ከዜግነት ግዴታችን ቢያንስ ጥቂቱን እንዳደረግን እንዲሰማን አድርጓል ብለዋል።

ሀገር ስትኖር ነው ሰርተን መለወጥ የምንችለው ያሉት ነዋሪዎቹ፥ ጁንታው የከፈተብን ጦርነት በቁርጥ ቀን ልጆቻችን የሀገር መከላከያ እና የአማራ ልዩ ሀይልና ሚሊሻ ይቀለበሳል ነው ያሉት።

እኛም ለሰራዊቱ ደጀን መሆናችንንም ማሳየታችንን እንቀጥላለን ካስፈለገም ለመዝመት ዝግጁ ነን ሲሉ ተናግረዋል።

በደላንታ ግንምባር ሰራዊቱን ምሳ የማብላት መርሃግብር የተካሄደ ሲሆን፥ድጋፉ የቁሳቁስ ድጋፍንም ያጠቃለለ መሆኑ ተመላክቷል።

በስነስርአቱ ላይ የመከላከያ ከፍተኛ አመራሮች የዞኑ ዋና አስተዳዳሪ ሰይድ መሀመድን ጨምሮ ሌሎች የስራ ሃላፊዎችም ተገኝተዋል።

በሀብታሙ ተ/ስላሴና ኢሳያስ ገላው

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!