አሸባሪው የትህነግ ቡድን በወረራቸው አካባቢዎች ከ4 ሚሊየን በላይ ዜጎች ለከፋ አደጋ ተጋልጠዋል

ውይይቱ ዓለም አቀፉ ማኅበረሰብ የችግሩን መጠን እና ስፋት ተገንዝቦ የተቀናጀ የሰብዓዊ ድጋፍ እንዲያደርስ ያለመ ነው ተብሏል።

በውይይቱ የሰላም ሚኒስትሯ ሙፈሪያት ካሚል፣ የውኃ መስኖ እና ኢነርጂ ሚኒስትሩ ዶክተር ኢንጂነር ስለሽ በቀለ፣ የብሄራዊ የአደጋ ስጋትና ሥራ አመራር ኮሚሽን ኮሚሽነር ምትኩ ካሳ፣ በተባበሩት መንግሥታት ድርጅት የሰብዓዊ ድጋፍ አቅርቦት አስተባባሪ ዶክተር ካትሪን ሱዚ ጨምሮ የክልልና የፌዴራል ከፍተኛ የመንግሥት የሥራ ኀላፊዎች እና ዓለም አቀፍ የሰብዓዊ ድርጅቶች ተወካዮች ተገኝተዋል።

በአማራ ክልል ብቻ 750 ኪሎ ሜትር በሚሸፍን አካባቢ አምስት ዞኖች በሽብርተኛው ትህነግ ወረራ እንደተካሄደ የገለጹት የአማራ ክልል ምክትል ርዕሰ መስተዳድር ዶክተር ፈንታ ማንደፍሮ፥ በወረራው 4 ሚሊየን ሕዝብ ለከፋ የሰብዓዊ ቀውስ ተዳርጓል፤ 1 ነጥብ 6 ሚሊየን ሕዝብ ከመኖሪያ ቀየው ተፈናቅሏል ብለዋል።

በሽብርተኛው ትህነግ ወረራ ምክንያት የሰብዓዊ ድጋፎችን በሚመለከት ከበርካታ ረጂ ድርጅቶች ጋር ተደጋጋሚ ምክክሮችን አድርገናል ያሉት የአማራ ክልል ርእሰ መሥተዳድር አገኘሁ ተሻገር ተግባራዊ ምላሹ ግን ከችግሩ ጋር የሚመጣጠን አይደለም ብለዋል።

አሁንም ችግሩን በቅርበት የሚያውቁ ሁሉ በትብብር እንዲሰሩ ጥሪ ማቅረባቸውን አሚኮ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!