አቶ ወርቁ አይተነው በወሎ ግንባር ለተፈናቀሉ ዜጎች 100 ሚሊየን ብር መደቡ

ባለሀብቱ ትናንት እና ዛሬ ለተፈናቃዮች ለአልባሳትና ምግብ ነክ ግዥ 25 ሚሊየን ብር ወጪ አድርገዋል።

አቶ ወርቁ ለፕሬስ ድርጅት እንደገለፁት÷ ደብሊው ኤ በተሰኘው ድርጅታቸው 100 ሚሊየን ብር መመደባቸውን ጠቁመው በንግዱ ማህበረሰብ በተደረገ መዋጮ ደግሞ 40 ሚሊየን ብር ወጪ አድርገዋል።

በተመሳሳይም አሸባሪው ህወሓት በአፋር ግንባር ላደረሰው ጉዳት ለተፈናቀሉ ዜጎች 50 ሚሊየን ብር በግላቸው መለገሳቸው ይታወሳል።

እንደ አቶ ወርቁ ገለፃ÷ ልገሳው ጊዜያዊ ሲሆን በቀጣይ ዜጎች በቀያቸው እስኪቋቋሙ ድረስ እንደሚቀጥል አረጋግጠዋል።

አሸባሪውን ህወሓት እስከመጨረሻው ለመደምሰስ ወጣቶች ከሀገር መከላከያ ሰራዊት፣ ከአማራ ክልል እና ሌሎች ክልሎች ልዩ ኃይሎችና ሚሊሻዎች ጋር ተሰልፈው እንዲፋለሙም ጥሪ አቅርበዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!