በአሸባሪው ህወሓት የተፈናቀሉ ወገኖችን ሁሉም እንዲደግፍ ጥሪ ቀረበ

ትህነግ በአማራ ሕዝብ ላይ በፈጸመው ወረራ ከፍተኛ ግፍ መድረሱን ጠቅሰው፥ ይህንን ወራሪ ሕዝቡ ሆ ብሎ በመነሳትና በመደምሰስ የአባቶችን ታሪክ መድገም እንደሚገባ ገልጸዋል፡፡

“ወረራውን መቀልበስና ጠላትን መደምሰስ ካልተቻለ እንደ አማራ ሕዝብ ክብራችንን አስጠብቀን መኖር አንችልም” ነው ያሉት፡፡

ክብርንና ማንነትን ለማስቀጠል በግንባር የሚደረገውን ትግል የሚያግዝ የሎጅስቲክስ ድጋፍ እንደሚያስፈልግም ጠቁመዋል፡፡

የታጠቀ ኃይል ለመፍጠርና ለማዋጋት ከፍተኛ ሃብት እንደሚጠይቅም ጠቁመው፥ የተሰበሰበው ሀብት ለተፈለገው አገልግሎት በፍጥነት ወደ ግንባር እየተላከ የወገን ጦርን አቅም እንዲገነባ ጥረት ይደረጋልም ብለዋል።

አሁን ላይ ያለው የተፈናቃይ ወገኖች ቁጥር በርካታ በመሆኑ በቂ ድጋፍ እንዳልደረሳቸውም አንስተዋል።

የታጠቀው ኃይል፣ ወጣቶች ወደ ግንባር በመሄድ፣ ባለሀብቶች ሀብት በማሰባሰብ እና ደጀኑ ሕዝብ ስንቅ ከማቀበል ባለፈ ወደ ግንባር የሚሄዱ ዘማች ቤተሰቦችን መንከባከብ እንደሚገባም አስገንዝበዋል።

እየተደረገ ያለው ድጋፍ ተጠናክሮ እንዲቀጥል እና ጦርነቱ በአጭር ጊዜ እንዲጠናቀቅ ሁሉም የድርሻውን እንዲወጣ ጥሪ ማቅረባቸውን አሚኮ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!