የሰላም ሚኒስቴር ከጂ አይ ዜድ ኢትዮጵያ ጋር ድንበር ዘለል የትብብር ስምምነት ተፈራረመ

የሰላም ሚኒስቴር የፌዴራሊዝምና አርብቶ አደር ጉዳዮች ዘርፍ ሚኒስትር ዲኤታ ዶክተር ስዩም መስፍን÷ ስምምነቱ በአካባቢው የሚገኙ የማህበረሰብ ክፍሎች ድርቅን ለመቋቋም የሚያስችልና የገቢ ምንጫቸውን በማስፋት አቅማቸውን ለማሳደግ የሚያግዝ መሆኑን ተናግረዋል።

በተጨማሪም ሴቶችና ወጣቶች የሰላም ዘብ እንዲሆኑ ለማድረግ ግጭቶችን እንዴት መፍታት እንደሚችሉ ስልጠናዎችን መስጠት እና በሁለቱ ድንበር ላይ የጋራ ልማት መፍጠር የስምምነቱ አካል እንደሆነም ገልፀዋል።

የጂ አይ ዜድ ሀላፊ ማይኢክ ቫን ኡም በበኩላቸው÷ ፕሮግራሙ ተፈፃሚ የሚሆነው በአውሮፓ ህብረት የገንዘብ ድጋፍ እንደሆነ ጠቁመዋል።

ሃላፊው አያይዘውም ፕሮግራሙ በፈረንጆቹ አቆጣጠር እስከ 2021 ድረስ ቀጣይነት እንዳለው መናገራቸውን ከሰላም ሚኒስቴር ያገኘነው መረጃ ያመላክታል።