ጠ/ሚ ዶ/ር ዐቢይ በመካከለኛው ምስራቅ ከተወጣጡ የኢትዮጵያ ኮሚኒቲ ተወካዮች ጋር ተወያዩ

ጠቅላይ ሚኒስትሩ አቡዳቢ ዓለም አቀፍ አውሮፕላን ማረፊያ ሲደርሱም የተባበሩት ዓረብ ኤሚሬቶች የውጭ ጉዳይ ሚኒስትር ሼህ አብደላ ቢን ዛይድ አቀባበል አድርገውላቸዋል።

በአሁኑ ስዓትም ከ250 በላይ ከሚሆኑ በመካከለኛው ምስራቅ ከተወጣጡ የኢትዮጵያ ኮሚኒቲ ተወካዮች ጋር በተለያዩ ጉዳዮች ዙሪያ ተወያይተዋል።

በውይይታቸውም በኢትዮጵያ ወቅታዊ ሁኔታ፣ በየሚኖሩባቸው ሀገራት የአምልኮ ስፍራዎች እና ትምህርት ቤቶችን ለመገንባት የሚያስችሉ ቦታዎችን ማግኘት በሚችሉባቸው መንገዶች ዙሪያ መክረዋል።

ጠቅላይ ሚኒስትር ዐቢይ ከላይ በተጠቀሱት እና በሌሎች ማህበራዊ ጉዳዮች እና ተግዳሮቶች ዙሪያ ለቀረቡ ጥያቄዎች ምላሽ እና ማብራሪያ ሰጥተዋል።

በኣላዛር ታደለ