Ameerikaan loltootashee daangaa Yuukireen irra qubachiisuu hordofee tarkaanfii deebii fudhachuu akka dandeessu Raashiyaan akeekkachiifte

Finfinnee, Onkololeessa 17, 2015(FBC)- Ameerikaan loltootashee daangaa Yuukireen irra qubachiisuu hordofee tarkaanfii deebii fudhachuu akka dandeessu Raashiyaan akeekkachiisuu gabaafame.

Dubbii Himaan Kireemiliin Diimiitrii Peeskoov, lotoonni Birgeedii humna qilleensaa 101ffaa Waraana Ameerikaa daangaa Yuukireenitti bobba’uu ibsaniiru.

Loltoonni Ameerikaa daangaa biyyattiirratti bobba’uun nageenyaafi tasgabbii Raashiyaaf yaaddoo guddaa ta’uu dubbi himichi addeessaniiru.

Mooskoon gochicha akka laayyootti akka hin ilaalle kaasaniiru.

Raashiyaan yaaddoo nageenyaa itti aggaamame dhabamsiisuuf tarkaanfii deebii barbaachisaa fudhachuu akka dandeessu akeekkachiisaniiru.

Qoccolloo Ameerikaan naannawichatti taasistu nageenya waaraa naannichaaf gufuu ta’uu yaadachiisaniiru.

Ajajaan Birgeedii humna qilleensaa 101ffaa Waraana Ameerikaa gamasaaniin, lotoonni kumni 4fi 700 daangaa Yuukireen irratti bobba’uu ragaa bahaniiru.

Loltoonni kunneen loltoota NATO( Dhaabbata Waadaa Waraanaa Atilaantik Kaabaa)waliin shaakala loltummaa waloo gaggeessuu kaasaniiru.

Gama biraan loltoonni kunneen sochii waraanni Raashiyaa naannawichatti taasisu xiyyeeffannoon kan hordofu ta’uu ibsuu isaanii RTn gabaaseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.