Mariin hoggantootaa Naannoolee Kibbaa, Beenishaangul Gumuzii fi Amaarratti gaggeeffamuu eegale

Finfinnee, Waxabajjii 5, 2015 (FBC)- Waltajjiin marii sadarkaa naannoo, Naannoolee Kibbaa, Beenishaangul Gumuzii Naannoo Amaarratti gaggeeffamuu eegaleera.

Miseensi Koree Hoji Raawwachiiftuu fi Itti Gaafatamaan Waajjira Paarti Badhaadhinaa Damee Kibbaa Obbo Xilaahuun Kabbadaa, kaayyoon marichaa, kallattiiwwan Koreen Hoji Raawwachiiftuu fi Koreen Giddugaleessaa Paartii Badhadhinaa kaa’erratti hubannoo waloo qabaachuun ilaalchaa fi hojiirraa oolmaa fooyyeessuu akkasuma milkaa’inaalee galmaa’aan itti fufsiisuu fi qormaatilee mudatan dhaabuuf ta’uu himaniiru.

Waltajjicharratti kan argaman Miseensi Koree Hoji Raawwachiiftuu Fi Kantiibaan Bulchiinsa Magaalaa Fnfinee Aadde Adaanecha Abeebeen gama isaaniin waltajjichi qabsoo walqajeechuu, walijaaruu fi miiraa waltumsuu bu’uureffate kan itti gaggeeffamuudha jedhaniiru.

Tokkummaa sabdaneessaa gama cimsuun tattaaffii fi bu’aalee raawwataman sakatta’uurra darbee hanqinaalee qajeelchuun ejjennoo waloo qabaachuuf murteessaa ta’uu himaniiru.

Haaluma walfakkaatuun mariin sadarkaa naannoo, Naannoo Beenishaangul Gumuzii fi Naannoo Amaarrattis gaggeeffamuu eegaleera.

Marichi guyyoota shaniif kan turu ta’uun ibsameera.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.