MM Abiy Ahimad Muummee Ministiraa Maaltaa waliin mari’atan

Finfinnee, Amajjii 30, 2015 (FBC) – Muummeen Ministiraa FDRI Abiy Ahimad Muummee Ministiraa Maaltaa Roobart Abbeellaa waliin mari’atan.

Jilli Muummeen Ministiraa FDRI Abiy Ahimadii fi Giiftii Duree Zinnaash Taayyaachoon durfamu har’a ganama wayita Maltaa ga’an simannaa hoo’aan taasiifameefira.

Muummeen Ministiraa Abiy Ahimad fi Giifti Duree Zinnaasha Taayyaachoon Muummee Ministiraa Maaltaa Roobart Abeellaan simatamaniiru.

Dureewwan lameen fi jilli isaanii dhimmoota daldalaa, Invastimantii, tuuriizimii, gaalaana, loojistiksii fi nageenyarratti walta’iinsa qaban guddisuu dabalatee hariiroo gama lameeniirratti mari’achuun ibsameera.

Muummeen Ministiraa FDRI Abiy Ahimad“Biyyoonni keenya lameen dameewwan garaagaraan waan walirraa baratan qabu. Mariin keenya har’aas dameewwan walta’iinsaa garaagaraa caalmaan cimseera” jechuun gama miidiyaa hawaasummaa isaaniin ibsaniiru.

#Ethiopia #Abiy Ahmed Ali

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.