Weerara lafaa ittisuuf kaadaastarri qabatamaa ta’uu qaba jedhame

Finfinnee, Hagayya 11, 2014 (FBC) – Bu’uuraalee misoomaa guutuu fi weerara lafaa seeraan alaa ittisuuf hoggansi ittigaafatamummaan hojiirraa oolmaan Kaadaasataraa qabatamaa ta’uu akka qabu Ministeerri Magaalaa fi Bu’uuraalee Misoomaa hubachiise.

Ministeerichi raawwii karoora bara 2014 fi karoora bara 2015rratti marii gaggeesseera.

Marichaan weerara lafaa seeraan alaa ittisuuf galmee lafaa fi sirna kadaastaraa hojiirraa oolchuun barbaachisaa ta’uu himamuu ragaan ministeerichaarra argame ni mul’isa.

Ministirri Ministeerichaa Aadde Caaltuu Saanii, rakkoolee bulchiinsa gaarii magaalotaa furuuf hoggnsi hannaa irraa bilisa ta’uun, yaada maddisiisuun hojmaata haaraa fi ammaayaa’aa diriirsuun kutannoon, amanamtummaan ittigaaftamaa bahachuu akka qaban eeraniiru.

Ministirri Ittigaafataamaa Paartilee Siyaasaa fi Waldalee Siiviilii Paartii Badhaadhinaa Dooktar Alamuu Simee gama isaaniin, wayiita filannoo waadaa ummataaf seename utuu hindagatiin gaaffilee lammiileef hoggansi deebii hatattamaa akka kennaan gaafataniiru.

Kanaafis, paartichi deeggarsa barbaachisaa akka taasisu mirkaneessaniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.