ዲፕሎማትነት የአገር ብሔራዊ ጥቅምን ማስጠበቅ የሚያስችል ክህሎትና እውቀት የሚጠይቅ ተልዕኮ ነው- ፕሬዚዳንት ሳህለወርቅ ዘውዴ

ፕሬዚዳንቷ የውጭ ጉዳይ ዋናው መስሪያ ቤት ሰራተኞች፣ አምባሳደሮች፣ ዲፕሎማቶች፣ ተጠሪ ተቋማት፣ ከሀገር መከላከያ ሚኒስቴር እና ከተለያዩ ተጠሪ ተቋማት ለተውጣጡ ባለሙያዎች የህይወት ተሞክሯቸውን እና ልምዳቸውን አካፍለዋል።

ፕሬዝዳንት ሳህለወርቅ ዲፕሎማቶች በተሠማሩባቸው ተልዕኮዎች ሁሉ ኢትዮጵያ ያለችበትን ቀጣናዊ ሁኔታ በየጊዜው መረዳት እና ከግንዛቤ ውስጥ ማስገባት አለባቸው ነው ያሉት።

የሀገር ፍቅር፣ የዓላማ ፅናት፣ ለሁሉን አቀፍ እውቀት ክፍት መሆን እና በየጊዜው ራስን እያሻሻሉ መንቀሳቀስ ከዲፕሎማቶች የሚጠበቅ መሆኑን አብራርተዋል ።

የዲፕሎማሲ ሥራ በአንድ አቅጣጫ ብቻ የሚከወን አለመሆኑን በመረዳት በታማኝነት እና በቁርጠኝነት ወቅቱ የሚጠይቀውን ክህሎት በመታጠቅ መንቀሳቀስን እንደሚጠይቅ ከረዥም የሥራ ልምዳቸው አጣቅሰው ፕሬዝዳንቷ መናገራቸውን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!