Ciidammada Israa’iil oo Toddoba qof ku dhaawacay Daanta Galbeed
Addis Ababa,Jan 11, 2021 (Dir 03,2013 T.I (FBC/SOMALI)-Tododoba qof oo falastiiniyiin ah ayaa ku dhaawacmay rasaas ay ciidamada Israa’iil ka rideen magaalada Tulkarem ee daanta galbeed maalinnimadan isniinta ah sida ay werinayaan ilo wareedyo falastiiniyiin ahi.
Askarta Israa’iil ayaa rasaas ku furay shaqaale falastiniyyin ah oo siku dayay in ay si dhumaalaysi ah uga gudbaan xayndaab ay Israa’iil ku wareejisay koonfurta Tulkarem ay sida ay ilawareedyadu sheegeen.
Ma jiro wax faallo ah oo kasoo baxay dhanka maamulka Israa’iil oo ku aaddan dhacdadan.
Israa’iil ayaa mamnuucday isku-gudubka shaqaalaha falastiiniyiinta ah ,taas oo ay sheegtay tallaabo lagu joojinayo faafitaanka Fayraska Koroona.
Sannadkii 2002-dii ayay ahayd xilligii ay Israa’iil xaydaan ku wareejisay dhulka Falastiin ee haysato iyada oo ujeedkeedu ahaa ka hortaga weerarrada Falastiniyiinta ee gudaha Israa’iil markaas oo Ra’iisal wasaare Israa’iil ka ahaa Ariel Sharon. Balse Falastiyiintu dhankooda waxa ay ku tilmaameen Darbigii midab-kala sooca.