Ijaarsi Wiirtuu To’annoo Tiraafikaa Finfinnee eegalame
Finfinnee, Gurraandhala 14, 2012 (FBC) – Ijaarsi Wiirtuu To’annoo Tiraafikaa Finfinnee eegalame.
Ijaarsicha kan eegalchiisan itti aanaa kantiibaa magaalaa Finfinnee Injiinar Taakkalaa Uumaati.
Ijaarsi dhaabbatichaa Birrii miiliyoona dhibba 8 fi miiliyoona 35, baatii 18 keessatti hojjetama.
Wiirtichi abbaa darbii 4 yammuu ta’u, lafa jalatti ijaarrama. Gubbaan isaa iddoo magariisaa fi bashannanaa ta’a.
Dabalataan ijaarsi gamoo abbaa darbii 4 waajjiraalee seektaroota geejibaa hunda of jalatti hammatu Birrii biiliyoona 1.5 jalqabsiifameera.
Cinaadhan ammoo gamoon abbaan darbii 20 seektaroota tiraafikaa qabatu ni ijaarrama.