MM Dr Abiy Ahimad, Siriil Raamaafoosaa waliin mari’atan
Finfinnee, Bitootessa 23, 2012 (FBC) – Muummee ministiraa Dooktar Abiy Ahimad preezdaantii Afrikaa Kibbaa Siriil Raamaafoosaa waliin mari’atan.
Waajjirri Muummee Ministiraa akka beeksisetti Dooktar Abiy preezdaanticha waliin bilbilaan mari’ataniiru.
Turmaata isaanii bilbilaatin weerara vaayrasii koroonaa qindoominaan ittisuurratti mari’ataniiru.
Weerarri vaayrasichaa dhiibbaa diinagdee uumuu malu dandamachuuf tumsi akka barbaachisus mari’ataniiru.
Sanaafis tumsi biyyoota Garee 20, Baankii Addunyaa fi Dhaabbata Maallaqaa Addunyaa kan barbaachisu ta’uu ibsaniiru.