Pireezidaantiin Keeniyaa Wiiliyaam Ruutoo kaabinee haaraa hundeessan

Finfinnee, Fulbaana 18, 2015 (FBC) – Pireezidaantiin Keeniyaa Wiiliyaam Ruutoo kaabinee haaraa miseensota 22 of keessa qabu hundeessaniiru.

Erga gara aangootti dhufanii torban lama kan guutan Pireezidaanti Wiiliyaam waajjiraalee ministeeraa ijoodha jedhaman 22 hundeeessaniiru.

Dooktar Ruutoon ibsa miidiyaaleef kennan irratti Ittaanaa Pireezidaantii Rigaatii Gaachaaguwaan yoo muudan, ittigaafatama kanatti dabalataan hariiroo mootummoota naannolee fi dura taa’aa koomishinoota heera mootummaa ta’u jedhameera.

Dabalataan Musaaliyaa Mudaaviid, barreessaa kaabinee waliigalaa gochuun yoo muudan ittigaafatamni kunis pireezidaantii fi ittaana pireezidaantiitti aansee aangoo olaanaa ta’uun ibsameera.

Kana malees, itti gaafatamoota biroo kan muudan yoo ta’u, fuuldurattis muudamoota garaagaraa akka ifoomsan eegama jedhameera.

Ummata Keeniyaaf waadaa seename hojiitti jijjiiruuf kaabineen haaraan dursee caaseffamuun barbaachisaa akka ta’e Pireezidaanti Ruutoon dubbachuu The East Africa fi CGTN gabaasaniiru.

Odeeffannoowwan waqtaawaa dabalataan argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.