ሩስያ ህልውናዋ አደጋ ላይ የሚወድቅ ከሆነ የኑክሌር ጦር መሳሪያ ልትጠቀም ትችላለች – የክሬምሊን ቃል አቀባይ

ይሁን እንጂ በሀገሪቱ የደህንነት ፖሊሲ መሰረት ሩስያ የኒውክሌር አማራጭ ልትጠቀም የምትችልበት ምክንያት አለመኖሩን ቃል አቀባዩ ገልፀዋል፡፡
በዩክሬን እየተካሄደ ያለውዘመቻ በእቅዱ መሰረት እየተከናወነ መሆኑንም ነው ቃል አቀባዩ የጠቀሱት።

በጉዳዩ ዙሪያ አስተያየት የሰጡት የዩናይትድ ስቴትስ ፕሬዝዳንት ጆ ባይደን፥ ሩሲያ በዩክሬን ላይ የኬሚካል እና ባዮሎጂካል መሳሪያዎችን ለመጠቀም እያሰበች እንደሆነ ግልፅ ማሳያ ነው ያሉ ሲሆን ፕሬዚዳንት ፑቲን ይህን የሚያደርጉ ከሆነ ምዕራባውያን እና አሜሪካ የአፀፋ ምለሽ ይሰጣሉ ሲሉ አስጠንቅቀዋል፡፡

ጦርነቱ ከተጀመረ ከሦስት ቀናት በኋለ የሩስያ ፕሬዚዳንት ቭላድሚር ፑቲን የሀገሪቱን የኑክሌር መከላከያ ኃይሎች በተጠንቀቅ እንዲቆሙ ትዕዛዝ መስጠታቸውን ፕሬስ ቴቪ በዘገባው አስታውሷል፡፡

ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!