የሴቶችን ችግር በንግግር እና በመፈክር ብቻ ሳይሆን በተግባር መፍታት ይገባል -ፕሬዚዳንት ሣህለወርቅ ዘውዴ

በመድረኩ ፕሬዚዳንት ሳህለወርቅ ዘውዴ የሴቶች እኩልነት አጀንዳ የአዳራሽ ውስጥ የስብሰባ ማድመቂያ መሆኑ ቀርቶ እያንዳንዷ ቀን ቃል በተግባር የሚገለጽበትና የችግሩ ሳይሆን የመፍትሔው አካል መሆን የሚረጋገጥበት ሊሆን እንደሚገባ ተናግረዋል ።

የሴቶች ችግር በንግግርና በመፈክር ብቻ አይፈታም ያሉት ፕሬዝዳንቷ የተናገርናቸውንና ያቀድናቸውን በሙሉ ልንተገብር ይገባል ሲሉ ገልጸዋል ።

እንዲሁም ሴቶች በተለያዩ ዘርፎች ያስመዘገቧቸውን ስኬቶች እውቅና መስጠት እና ማበረታታት ይገባል ብለዋል ።

የውይይት መድረኩ በከተማ ልማት ኮንስትራክሽን ሚኒስቴር፣ የአዲስ አበባ ከተማ አስተዳደር፣ የኮንስትራክሽን ስራዎች ባለስልጣንና የኢትዮጵያ ኮንስትራክሽን ስራዎች ኮርፖሬሽን በጋራ የተዘጋጀ መሆኑ ታውቋል፡፡

በመድረኩ በኮንስትራክሽን ዘርፍ የሴቶችን ሚና እና አርአያነት እንዲሁም በተለያዩ መስኮች ውጤታማ የሆኑ ሴቶች ልምድና ተሞክሯቸውን የሚያሳይ ዘጋቢ ፊልም እና የመነሻ ጥናቶች ከተለያዩ ምሁራን ቀርቦ ውይይት ወይይት መካሄዱን ከአዲስ አበባ ፕሬስ ሴክሬታሪያት ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡-https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!