በመቅደላ ወረዳ የተገነቡ መሰረተ ልማቶች ተመረቁ

የመቅደላ ወረዳ ዋና አስተዳዳሪ አቶ ተፈራ ሞላ እንደገለጹት ፥ ዛሬ ከተመረቁት መሰረተ ልማቶች መካከል የመቅደላ ማሻ የመጀመሪያ ደረጀ ሆስፒታልና የመቅደላ ቴክኒክና ሙያ ማሰልጠኛ ኮሌጅ ይገኙበታል።

የደቡብ ወሎንና ደቡብ ጎንደር ዞኖችን የሚያገናኘው “በበሽሎ” ወንዝ ላይ የተሰራው 150 ሜትር ርዝመት ያለው ድልድይም ዛሬ ከተመረቁት መሰረተ ልማቶች መካከል አንዱ መሆኑን ኢዜአ ዘግቧል።

የድልድዩ ግንባታ ሁለቱን ዞኖች ከማገናኘቱ ባለፈ የማህበራዊና ኢኮኖሚያዊ ትስስሩን ማጠናከር የሚያስችል መሆኑ ተመላክቷል።

ከሰዓት በኋላም አመራሮቹ በማሻ ስታዲዮም ከአካባቢው ማህበረሰብ ጋር በልማት፣ በመልካም አስተዳደርና በወቅታዊ ጉዳዮች ዙሪያ ምክክር ማድረጋቸው ተገልጿል።