Gabaan oomisha baatiwwan 6 darbaniitti Birrii biiliyoona 19.8 walbichisiise
Finfinnee, Amajjii 21, 2013 (FBC)- Gabaan Oomisha Ityoophiyaa baatiwwan 6 darban keessaatti Birrii biiliyoona 19.8 walbichisiisu beeksise.
Oomishaalee toonii meetirikii kuma dhibba 3 fi kuma 20 fi 140 walbichisiisu kan ibse.
Kunis karoora waggaatin wal bira qabamee yoo ilaallamuu ammeentaan %99 fi gatiidhaan % 111 galmaan ga’uu kan himame.
Kan bara darbee yeroo wal fakkataan wal bira qabamee yoo ilaallamuu hir’ina bitta %5 fi gatiidhaan ammoo %13 daballiin galmaa’eera.
Kanneen keessaa Saalixii toonii kuma dhibba 1 fi kuma 15 walbichisiisuf karoorfameen karoorichaarra %122 ol tooniin kumni dhibbi 1 fi kumni 40 walbichisiisuun oomishaalee raawwi fooyya’a qaba keessaa isa tokko ta’eera.
Gurgurtaa fi bittaa adda addaa qonnaa fi oomishaaf banameen Shaataarri tooniin kumni 10 fi 592 Birrii miiliyoona dhibba 1 fi miiliyoona 98 walbichisiiseera.
Gabaan oomishichaa giddugala bittaa elektirooniksii Hawaasaa, Humaraa fi Naqamteetti banuun tajaajila laachaa jira.
Waliinga’insicha babaldhisuuf Adaamaa fi Jimmaatti giddugaloota elektirooniksii ijaaraman kan xumuramaan yoo ta’u, Miizaan Tafarii fi Teeppiitti dameewwan haara banuuf qophii ta’uu dhaabbatichi ibsa Faanaa Broodkaasting Koorporeetif ergeen ibseera.
Fuula Feesbuukii Keenyan Dabalata Odeeffannoo Waqtaawaa Argachuuf;
Teelegraama Keenya Https://T.Me/Afanoromofana Subiskiraayib Godhaa.
Karaa Yuutyuubii Keenyan Nu Hordofuuf FBC Afaan Oromoo Https://Www.Youtube.Com/C/Fanabroadcastingcorporate/ Subiskiraayib Godhaa.
Karaa Marsariitii (Weebsaayitii) Keenya Fanabc.Com/Afaanoromoo Nu Hordofaaa.
Twiitara Keenya Https://Twitter.Com/Fanatelevision Nu Duukaa Bu’aa
Yeroo Maraa Nu Waliin Waan Taataniif Isin Galateeffanna.