Komishinichi Ayyaanni Faasikaa fi Idaal Faxir rakkoo nageenyaa tokko malee akka kabajamuuf karoorfatee gara hojiitti galuu beeksise
Finfinnee, Eebila 21, 2013 (FBC) – Komishiniin Poolisii magaalaa Finfinnee Ayyaanni Faasikaa fi Idaal Faxir rakkoo nageenyaa tokko malee akka kabajamuuf karoorfatee gara hojiitti galuu beeksiseera.
Ayyaanni Fannoo fi Hiikaa rakkoo nageenyaa tokko malee akka kabajamuuf karoorfatee gara hojiitti galuu Komishinichi ibseera.
Ayyaanicha sababeeffachuun yakkoonni garaagaraa akka hin raawwatamnee fi balaa tiraafikaa muudachuu danda’u ittisuuf bifa qindoomina qabuun qophii xummuruu ifoomseera.
Sosochii ayyaanoota kanneeniin walqabatee taasiifamu hordofee yakkoota garaagaraa raawwatamuu danda’u ittisuuf hoggantootaa fi miseensoota Poolisiif hubannoon haala yeroorratti xiyyeeffate laatamuun gara hojiitti galamuu Daayreektarri Qunnamtii Uummataa Komishinichaa Komaandar Faasikaa Faantaa eeraniiru.
Ayyaanoota kanneen sababeeffachuun qaamolee oomisha dhoksanii fi gatii hin malle dabalanirratti tarkaanfiin kan fudhatamu ta’uu dubbachuu isaanii ragaan Komishinii Poolisii magaalaa Finfinneerraa argame ni agarsiisa.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.