Koorporeeshiniin Huccuu Shaangaay, Boolee Lammii IItti bobba’uuf waliigale
Finfinnee, Muddee 29, 2012 (FBC) – Koorporeeshiniin Huccuu Shaangaay, Paarkii Indaastirii Boolee Lammii IItti bobba’uuf waliigaltee mallatteesse.
Waliigaltee invastimantii liizii kanaan namoota kuma 4f carraan hojii ni uuma jedhameera.
Dhaabbanni paarkichatti bobba’uuf waliigaltee mallatteesse oomisha huccuutin Chaayinaarraa lammaffaadha.
Koorporeeshiniin Huccuu Shaangaay Doolaara Ameerikaa miiliyoona 65 invast godha jedhameera.
Waliigaltichas daareektarri Korporeeshinii Paarkii Industirii Ityoophiyaa Lalisee Namee fi hogganaan dhaabbatichaa mallatteessaniiru.