ፍርድ ቤቱ አቶ ጃዋር መሀመድን ጨምሮ በ14 ተጠርጣሪዎች ላይ የአቃቤ ህግ የቅድመ ምርመራ ምስክሮችን ለመስማት ተለዋጭ ቀጠሮ ሰጠ

ፍርድ ቤቱም ጉዳዩን መርምሮ ተለዋጭ ቀጠሮ ሰጥቶበታል።

በዛሬው ችሎት ከስምንት የሀገር ውስጥና የውጭ መገናኛ ብዙሃን የተገኙ ጋዜጠኞች ችሎቱን እንዲከታተሉ የተደረገበት የፕላዝማ ቴሌቪዥን አገልግሎት ባለመስጠቱ መከታተል አልተቻለም ነበር።

ሆኖም ከአቃቤ ህግ እና ከተጠርጣሪ ጠበቆች እንደተረዳነው አቃቤ
ህግ ያቀረበውን የምስክርነት ይሰማልኝ ተለዋጭ ቀጠሮን ፍርድ ቤቱ ተቀብሎ በሌሎች ተጠርጣሪዎች ላይ የአቃቤ ህግ የቅድመ ምርመራ ምስክሮችን ለመስማት ለፊታችን ሰኞ ነሃሴ 11 ተለዋጭ ቀጠሮ ሰጥቷል።

ተጠርጣሪዎች ከቤተሰብ ጋር እንድንገናኝ እና ምግብ ቢገባለን የሚል አቤቱታ ማቅረባቸውን ተከትሎም ፍርድ ቤቱ በጥንቃቄ ከቤተሰብ ጋር እንዲገናኙ እንዲደረግ አዟል።

በታሪክ አዱኛ