Tuurk weerara vaayrasii koroonaa ittisuuf dargaggootarra daangaa saa’aatii keesse
Finfinnee, Bitootessa 26, 2012 (FBC)- Tuurk weerara vaayrasii koroonaa ittisuuf dargaggootarra daangaa saa’aatii keessetti.
Tarkaanfiin fudhatame kun biyyattiitti weerara vaayrasichaa ittisuuf ta’uun himameera.
Preezdaantiin Tuurk Rasip Xayib Erdoohaan tarkaanfichi kan fudhatame dargaggoota umrii waggaa 20 gadi jiranirrattidha jedhaniiru.
Tarkaanfichi kaleessa galgalarraa eegalee hojiirra olaa jira.
Preezdaantichi ibsa laataniin daangaa magaalota 31 cufuuf murteessuus himaniiru.
Istaanbuulii fi Ankaaraa dabalatee guyyoota 15f konkolaataas ta’e namoonni ba’uu fi galuu akka hin dandeenye daangichaan akka cufan himaniiru.
Tuurkitti namoonni vaayrasichaan du’an 425 yoo ta’an, namoonni kumni 20 ol ta’an vaayrasichaaf saaxilamuu Ministeerri Fayyaa Tuurk beeksiseera.
Tuurkitti namoonni umriin isaanii waggaa 65 ol ta’anii fi dhibee biroo qaban manaa akka hin baanes dhoorkamuun ni yaadatama.
Maddi:-Aljaziiraa