Itiyoophiyaa fi Jibutiin odeeffannoo Immigireeshinii waljijjiiruu fi tumsa to’annoo daangaa qaban guddisuuf waliigalan
Finfinnee, Ebla 8, 2016 (FBC) – Itiyoophiyaa fi Jibutiin odeeffannoo Immigireeshinii waljijjiiruu fi tumsa to’annoo daangaa qaban caalmaatti guddisuuf waliigalaniiru.
Daayrektarri Olaantuun Tajaajila Immigireeshinii fi Lammummaa Itiyoophiyaa Salamaawiit Daawwitii fi Ministirri Ministeera biyya keessaa Jibuutii Saayid Nuuhi Hasan waliin haala odeeffannoo Immigireeshinii waljijjiiruu fi tumsa to’annoo daangaa qaban guddisuun danda’amurratti mari’ataniiru.
Qaamoleen lameen Lammiilee sanada malee Jibutiitti argaman, odeeffannoo Immigireeshinii waljijjiiruu, to’annoo Daangaa, Tajaajila Lammummaa fi dhimmoota biroorratti mari’achuu isaanii ibsameera.
Dhimmoota kanneenirratti tumsa qaban caalmaatti cimsuuf waliigaluu ragaan Ministeera Dhimma Alaarraa argame ni mul’isa.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.