Magaalaa Finfinneetti Suuqiwwan meeshaalee hataman fudhachuun kuusanirratti tarkaanfiin fudhatame
Finfinnee, Bitootessa 19, 2014 (FBC) – Magaalaa Finfinneetti Suuqiwwan daldalaa meeshaalee Elektirooniksii fi qaama jijjiirraa konkolaataa hataman fudhachuun gurguranirratti tarkaanfiin fudhatamuu Poolisiin Magaalaa Finfinnee beeksise.
Kutaa magaalaa Liddataa fi Nifaas Silk Laaftootti namoonni dhuunfaan meeshaalee Elektirooniksii fi qaama jijjiirraa konkolaataa hatuun shakkaman kan to’ataman yoo ta’uu, Suuqiwwan meeshaalee hataman kanneen kuusaa turanirratti tarkaanfiin fudhatamuu Komishiniin Poolisii Magaalaa Finfinnee ibseera.
Kutaa magaalaa Liddataa aanaa 3, 4 fi aanaa 7tti Poolisiin sakattoo tasaa gaggeesseen Bilbiloota Moobaayilaa 80, Siimkaardii 24, laaptooppiin 2 fi meeshaaleee jijjiirraa qaama konkolaataa hedduun to’atamuu ibsameera.
Meeshaalee kanneen waliin shakkamtoonni 11 to’atamuun qorannoon gaggeeffamaa jiraachuu himeera.
Kutaa magaalaa Nifaas Silk Laaftoottis Bilbiloonni 618, Laaptooppiiwwan 5, Siimkaardiin 45 fi meeshaaleen elektirooniksii hedduun to’atamuu eereera.
Magaalaa Finfinneetti saamichaa fi hanna babal’achaa dhufe to’achuuf tarkaanfii cimaa kan fudhatu ta’uu Komishinichi beeksiisera.
Maddi:-TOI
Ityoophiyaa:-Haa Misoomsinu,Haa Ijaarru, Haa qophoofnu!!!
Fuula Feesbuukii keenyaan dabalataa odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.