Piroojektiin misooma Qarqara Laga Dachaatuu ifoome
Finfinnee, Caamsaa 2, 2016 (FBC) – Bulchiinsi Magaalaa Dirre Dhawaa Qarqa Laga Dachaatuu misoomsuuf Piroojektii haaraa ifoomeera.
Magaalichatti rakkoo lolaa mudachaa ture furuuf piroojektiin ‘SUNCASA’ jedhamu ifoomseera.
Piroojektiin kun eegumsa biyyoo fi carraa hojii uumurratti kan xiyyeeffatu ta’uu eerameera.
Piroojektiin SUNCASA balaa lolaa xiqqeessuun , Magariisummaa Magaalaa dabaluun dargaggootaf carraa hojii kan Uumu ta’uu Kantibaan Bulchiinsa Magaalaa Dirree Dhawaa Obbo Kadir Juhaar ibsaniiru.
Inistiityuutiin Qabeenyaa Addunyaa, Seekreetariyaatiin Kaatolikii Harargee, Yuunivarsiitiin Haramayaa, Dhaabbanni Eegumsa Bosonaa fi qabeenya Qilleensaa Dirre Dhawaa fi Fooramiin Misooma Idil Addunyaa Piroojekticha waloon hojiirra oolchu jedhame.
Piroojektichi hojiilee eegumsa naannoon walqabatanirratti kan hojjetu yoo ta’u, Itiyoophiyaa, Ruwaandaa fi Afrikaa Kibbaatti lammiilee miiliyoona 2.2 fayyadamoo taasiisa jedhameera.
Tuujii Abdiitu gabaase.