Rakkoon qulqullina indaastirii ijaarsaa gufuu ta’eera jedhame
Finfinnee, Amajjii 4, 2012 (FBC) – Rakkoon qulqullina indaastirii ijaarsaa gufuu ta’uu Ministeerri Misooma Magaalaa fi Koonistiraakshinii beeksise.
Ministeerichi Inistiitiyuutii Qorannaa Mijinaa waliin ta’uudhan ogeeyyii laabraatoorii koonistiraakshinii naannolee fi magaalaaf leenjii laachaa jira.
Dameen ijaarsaa guddachaa akkuma jiru rakkoon qulqullinaa xiyyeeffannaa kan barbaadu ta’uun waltajjichaan ibsameera.
Dhiibbaan isaas nama, naannoo, diinagdee fi biyyarratti ta’uun eerameera.
Rakkinicha hiikuuf ijaarsa dandeettii damichaa utubuu, hordoffii fi to’annaa jabeessuun murteessadha jedhameera.