የሕዳሴ ግድብ ሶስተኛ ዙር የውሃ ሙሌት በስኬት ተጠናቀቀ

አሁን ላይ የታላቁ የኢትዮጵያ ህዳሴ ግድብ የሲቪል ስራዎች ግንባታ 95 በመቶ የደረሰ ሲሆን÷ አጠቃላይ የፕሮጀክቱ አፈጻጸምም 87 ነጥብ 3 በመቶ መድረሱ ተመላክቷል፡፡

የታላቁ የኢትዮጵያ ሕዳሴ ግድብ 2ኛ ተርባይን የኤሌክትሪክ ኃይል ማመንጨት ስራ በትናንትናው ዕለት በይፋ መጀመሩ ይታወሳል፡፡

በትናንትናው ዕለት ስራ የጀመረው ዩኒት ዘጠኝ ሲሆን፥ ባለፈው የካቲት ወር ዩኒት10 ኃይል ማመንጨት መጀመሩ የሚታወቅ ነው።

ግድቡ አሁን ባለው ከፍታና በያዘው የውሃ መጠን ሁለቱ ተርባይኖች 540 ሜጋ ዋት ሃይል እያመነጩ ይገኛሉ።

ግድቡ በሙሉ አቅሙ ሃይል ማመንጨት ሲጀምር ደግሞ እያንዳንዱ ተርባይን 375 ሜጋ ዋት ሃይል የሚያመነጭ ይሆናል።

የታላቁ የኢትዮጵያ ህዳሴ ዋናው ግድብ ከፍታ 145 ሜትር ሲሆን፥ ርዝመቱ 1 ነጥብ 8 ኪሎ ሜትር ነው።

ግድቡ 1 ሺህ 680 ስኩዌር ኪሎ ሜትር ቦታ ስፋት የሚሸፍን ሲሆን፥ 74 ቢሊየን ኪዩቢክ ሜትር የውሃ መጠን ይይዛል።

በአልአዛር ታደለ

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር ከእኛ ጋር ስላሉ እናመሰግናለን!