የማህበራዊ ሚዲያ ተጠቃሚዎች የሕዝቦችን ትስስር ለማጠናከር በኃላፊነት እንዲሰሩ ተጠየቀ

የሰላም ሚኒስትር ዴኤታ ታዬ ደንደአ በመድረኩ ላይ ባደረጉት ንግግር፥ ኃላፊነት የጎደላቸውና በስሜት የሚነዱ የማህበራዊ ሚዲያ ተጠቃሚዎች የሚያሰራጯቸው የሀሰት መረጃዎች በተለያዩ ሀገራት ጉዳት ከማስከተላቸው ባለፈ፥ ሀገራትን እስከ መፍረስ ማድረሳቸውን ገልጸዋል።

በኢትዮጵያም በማህበራዊ ሚዲያ ልዩነትን የሚሰብኩ ሀገርን እና ሰላምን የሚያደፈርሱ መረጃዎች ሲሰራጩ እንደሚስተዋል ነው የተናገሩት፡፡

ማህበራዊ ሚዲያው በአግባቡ ከተጠቀሙበት ከውድቀት የሚታደግ፣ ሰላም እና ልማትን የሚያረጋግጥ፥ አንድነትን የሚሰብክ፣ ሌብነትን የሚቃወም ትውልድ የሚያፈራም ይሆናል ነው ያሉት።

በአዳነች አበበ