ዶክተር ሊያ ከግሎባል አሊያንስ ቫክሲን ኢኒሼቲቭ ዋና ሥራ አስኪያጅ ጋር ተወያዩ

ሚኒስቴሩ የጤና መረጃ ጥራት ማሻሻል፣ የኤሌክትሮኒክስ መረጃ አያያዝ ማዘመንና ማስፋት፣ የባለሙያዎችን አቅም ማጎልበት እና የመጀመሪያ አሃድ ጤና አገልግሎት ማጠናከር ላይ በትኩረት እየሠራ መሆኑ ተገልጿል፡፡

በግጭት ውስጥ ላሉ፣ ለተጎዱና ለተፈናቀሉ የማህበረሰብ ክፍሎች የክትባት አገልግሎት ተደራሽ ለማድረግ ከአጋር አካላት ጋር እየተሠራ መሆኑንም ዶክተር ሊያ አስረድተዋል፡፡

ዶክተር ሲዝ በርክሌይ በበኩላቸው ኢትዮጵያ የረጅም ጊዜ ትልቅ አጋር መሆኗን አንስተው በኮቪድ19 እና ጤና ኤክስቴንሽን ላይ የተሠራው ሥራ አመርቂ መሆኑን ጠቅሰዋል።

በተለያየ ምክንያት ያልተከተቡ ሕጻናትንተደራሽ ማድረግን፣ መደበኛ የክትባት አገልግሎትን ማጠናከር ላይ ተጠናክሮ እንደሚሠራ ያላቸውን እምነት ገልጸው÷ ለመደገፍም ዝግጁነታቸውን አረጋግጠዋል፡፡

በውይይቱ ላይ የዓለም ጤና ድርጅት እና ዩኒሴፍ ተወካዮች መገኘታቸውን የጤና ሚኒስቴር መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!