የኦሮሞ ወጣቶች እና ህዝቡ ጁንታውን ለመቅበር የበኩሉን እንዲወጣ ጥሪ ቀረበ

የፓርቲው ፅህፈት ቤት ሃላፊ፣ አቶ ፈቃዱ ተሰማ ዛሬ መግለጫ ሰጥተዋል።

የኦሮሞ ወጣቶች ከሌሎች ኢትዮጵያውያን ጋር በከፈሉት ውድ መስዋእትነት የመጣውን ለውጥ ለማጨለም ተላላኪዎቹን ጭምር በመጠቀም ጁንታው እየሰራ ነው ብለዋል አቶ ፈቃዱ።

በመሆኑም ጣረሞት ላይ የሚገኘውን ጁንታ ለመቅበር የኦሮሞ ወጣቶች ከሌሎች የክልሉ ህዝቦች ጋር በመሆን አካባቢያቸውን እንዲጠብቁ ጥሪ ተላልፏል።

በተጨማሪም የውስጥ ባንዳን በማፅዳት የፀጥታ ሀይሉን በመረጃ በመደገፍ በቂ እገዛ በማድረግ ለውጡን ካመጡትና ኢትዮጵያን ከመፍረስ ለመታደግ ከቆሙ ወገኖች ሁሉ ይጠበቃል ነው ያሉት።

የኦሮሞ ወጣቶችና መላው የኦሮሞ ህዝብ ለሀገር መከላከያ ሰራዊት ሲያደርግ የነበረውን ድጋፍ በማጠናከር ወጣቶች ሰራዊቱን እንዲቀላቀሉም ጥሪ ቀርቧል።

ቡድኑ የመላ ኢትዮጵያውያን ጠላት መሆኑን ስላረጋገጠ አምርሮ መታገል ይጠይቃል ያሉት አቶ ፍቃዱ በዚህ ሂደት የኦሮሞ ህዝብ የሚጠበቅበትን እንዲያደርግ ጠይቀዋል።

በሀብታሙ ተክለስላሴ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!