አገርን ለማፍረስ ከአሸባሪው ህወሓት ጋር የሚሰሩ አካላት እጃቸውን እንዲሰበስቡ መንግስት አስጠነቀቀ

የመንግስት ኮሙኒኬሽን አገልግሎት ሃላፊ ሚኒስትር ዶክተር ለገሰ ቱሉ የአሸባሪው ህወሓት ኃይል ኮምቦልቻ ከተማ ሰርጎ በመግባት ዛሬ ሌሊት ከ100 በላይ የከተማዋን ወጣቶች አሰልፎ መጨፍጨፉን ገልጸዋል።

ሚኒስትሩ በሰጡት መግለጫ፥ በማኅበራዊ ሚዲያ ሕዝብ እና መንግሥትን ለመከፋፈልና የአገሪቷን አንድነት ለመሸርሸር ከአሸባሪው ጋር የሚሰሩ አካላት ከድርጊታቸው እንዲቆጠቡ አሳስበዋል።

መንግስት በአገር አንድነትና ህልውና ላይ የመጡ አካላት ላይ እርምጃ መውሰድ መጀመሩን የተናገሩት ሚኒስትሩ ይህም ቀጣይነት የሚኖረው ተግባር መሆኑን መናገራቸውን የኢዜአ ዘገባ ያመለክታል።

መንግስት እንደተዳከመ አድርገው የሐሰት ፕሮፓጋንዳ መንዛት ትክክል አይደለም ያሉት ሚኒስትሩ፥ መንግስት አሸባሪውን የህወሓት ቡድን መመከት የሚያስችለው ሙሉ ቁመና እንዳለው ነው የገለጹት።

አሸባሪው ህወሓት በያዛቸው አካባቢዎች የሚገኙ የኅብረተሰብ ክፍሎች ደጀን የሆነው ሕዝብ እስከሚደርስላቸው ድረስ ተጋድሏቸውን አጠናክረው እንዲቀጥሉም ጠይቀዋል።

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!