በአዲስ አበባ የአማራ ተወላጅ ባለሀብቶች በአሸባሪው ትህነግ ተፈናቅለው ደሴ ለሚገኙ ዜጎች ድጋፍ አደረጉ

የባለሀብቶቹ ተወካይ አቶ በላይነህ ክንዴ ከጸረ ኢትዮጵያ ኀይሎች ጋር በመተባበር የአማራን ሕዝብ ለማጥፋትና ኢትዮጵያን ለማፍረስ የተነሳው አሸባሪውና ወራሪው የትህነግ ቡድን እስኪጠፋ ባለሀብቱ የሚያደርገውን ድጋፍ አጠናክሮ ይቀጥላል ብለዋል፡፡

ሌሎች ባለሀብቶችም ሀገሪቱ እየገጠማት ያለውን ውስብስብ ችግር ለመፍታት መሰል ድጋፎችን እንዲያደርጉ ጥሪ አቅርበዋል፡፡

በተመሳሳይ የአማራ ውኃ ሥራ ተቋራጮች ማኅበር በደባርቅና በደብረዘቢጥ ግንባር ለሚገኘው ለመከላከያ ሠራዊት፣ ለአማራ ልዩ ኀይል፣ ለሚሊሻ እና ፋኖ 1 ሚሊየን ብር የሚያወጣ የስንቅ እና ሌሎች ቁሳቁስ ድጋፍ ማድረጉን አስታውቋል፡፡

የአማራ ውኃ ሥራ ተቋራጮች ማኅበር ጸሐፊ ኀይሉ አበጀ ሀገርን ለማዳን ሁሉም በሕልውና ዘመቻው ላይ መረባረብ አለበት ማለታቸውን አሚኮ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!