Baahireenitti waajjirri qoonsilaa FDRI banamuufi
Finfinnee, Gurraandhala 24, 2012 (FBC) – Baahireenitti waajjirri qoonsilaa FDRI banamuufi.
Jilli ministir deettaa Ministeera Dhimma Alaa FDRI Ambaasaaddar Burtukaan Ayyaanoon duurfamu dhimmichaaf guyyaa har’aa Baariheen galeera.
Waajjirri qoonsilaa FDRI kan banamu muummeen ministiraa FDRI Dooktar Abiy Ahimad lammiilee Ityoophiyaa Giddugala Bahaa jiraatan waliin dhiyeenya Duubaayitti wayita marii taasisan rakkina Baahireenitti mudatu ilaalchisuun kallatti kennan bu’uureffachuunidha.
Jilli Ambaasaaddar Burtukaan Ayyaanoon duurfamu wayita Baahireen ga’anitti ministirri Dhimma Alaa Baahireen, Kuweetitti Ambaasaaddarri FDRI Abdulfattaah Hasanii fi Baahireenitti bakka buutuun waajjira qoonsilaa FDRI Iskadaar Girmaay simanna taasisaniifiru.