Qormaatamtoonni mana taa’anii qophii akka taasisan Ministeerri Barnootaa beeksise
Finfinnee, Bitootessa 10, 2012 (FBC) – Qormaatamtoonni mana taa’anii qophii akka taasisan Ministeerri Barnootaa beeksise.
Barattoonni kutaa 8ffaa barana qormaata naannoo fudhatanii fi barattoonni kutaa 12ffaa barana qormaata biyyoolessaaf taa’an mana isaanii taa’anii qophii akka taasisan ministeerichi gaafateera.
Yeroon qormaataa fulduratti kan himamu ta’uu ministirri ministeerichaa Dooktar Injiinar Geetaahuun Makuriyaan beeksisaniiru.
Ministirichi sababii tamsa’ina vaayrasii koroonaatin of eeggannoo taasifamuu qaburratti ibsa laataniiru.
Manneen barnootaas guyyootii 15f amma Bitootessa 21,2012 cufamanii kan turan ta’uu ibsaniiru.
Maatii fi barattoonni vaayrasicha ittisuurratti ga’ee isaanii akka ba’atan dhaamameera.