‘ኤች አር 6600’ እና ‘ኤስ.3199’ ረቂቅ ሕጎችን የሚቃወም ሰላማዊ ሰልፍ በዋሺንግተን ዲሲ ተካሄደ

በዋይት ሃውስ ፊት ለፊት በተካሄደው ሰልፍ፥ ረቂቅ ሕጎቹ ኢትዮጵያንና ኢትዮጵያውያንን የሚጎዱ በመሆናቸው ሊጸድቁ አይገባም ሲሉ ሰልፈኞቹ መልዕክት ማስተላለፋቸውን የሰላምና አንድነት ለኢትዮጵያ የዋሺንግተን ዲሲ ግብረ ኃይል ገልጿል።

በሰላማዊ ሰልፉ ላይ ኢትዮጵያውያን፣ ኤርትራውያንና የኢትዮጵያ ወዳጆች መሳተፋቸውን ኢዜአ ዘግቧል።

በተያያዘ ዜና ‘ኤች አር 6600’ ረቂቅ ሕግን የሚቃወም ሰላማዊ ሰልፍ ዛሬ በካሊፎርኒያ ግዛት ሎስ አንጀለስ ከተማ ይካሄዳል።

በሰልፉ ላይ ኢትዮጵያውያንና ኤርትራውያን እንደሚሳተፉ ከሰልፉ አስተባባሪዎች የተገኘ መረጃ ያመለክታል።

ሰልፎቹ በረቂቅ ሕጉና የሕጉ ተባባሪ አርቃቂ በሆኑት የካሊፎርኒያው የኮንግረስ አባል ብራድ ሼርማን ላይ ተቃውሟቸውን እንደሚያሰሙ ተገልጿል።

‘ኢትዮጵያ ስታብላይዜሽን ፒስ ኤንድ ዴሞክራሲ አክት’ ወይም ‘ኤች አር 6600’ በአሜሪካ የኮንግረስ አባል ቶም ማሊኖውስኪ (ኒውጀርሲ) ዋና አርቃቂነት፣ በያንግ ኪም (ካሊፎርኒያ)፣ ግሪጎሪ ሚክስ (ኒው ዮርክ)፣ ዴቪድ ሲሲሊን (ሮድ አይላንድስ)፣ ብራድ ሼርማን(ካሊፎርኒያ) እና ማይክል ማካውል (ቴክሳስ) ደጋፊነት በኮንግረሱ የተዘጋጀ ረቂቅ ሕግ ነው።

ኢትዮጵያን፦ እናልማ፣ እንገንባ፣ እንዘጋጅ!

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!