የአካባቢ ብክለት ተጽዕኖ ባደረሱ 1 ሺህ 720 ተቋማት ላይ እርምጃ ተወሰደ

የባለስልጣኑ ዋና ስራ አስኪያጅ አቶ ድዳ ድሪባ እንዳሉት÷ ባለስልጣኑ ባለፉት 9 ወራት 7 ሺህ 294 ተቋማትን ለመቆጣጠር አቅዶ 7 ሺህ 598 ተቋማት ላይ ክትትል ማድረጉን ተናግረዋል፡፡

በተደረገው ጥብቅ ቁጥጥርና ክትትል በአካባቢ ላይ ብክለት ባደረሱ 1 ሺህ 720 ተቋማት ላይ እርምጃ መወሰዱን ነው ያረጋገጡት፡፡

ከተቋማቱ መካከል 1 ሺህ 661ዱ ማስጠንቀቂያ የተሰጣቸው ሲሆን÷በተቀመጠላቸው አቅጣጫ መሰረት ተግባራቸውን ሳያከናውኑ የቀሩ 59 ተቋማት መታሸጋቸውን ተናግረዋል፡፡

ባለስልጣኑ የአካባቢ ተጽእኖን ለመቆጣጠር በተሰጠው ተልዕኮ መሰረት ተቋማት ህጎችን አክብረው እንዲሰሩ የጀመረውን ቁጥጥርና ክትትል አጠናክሮ መቀጠሉንም ለኢዜአ ገልጸዋል፡፡