ልኡኽ ፕሬዚዳንት ጆ ባይደን ሴናተር ክሪስ ኩንስ ኣብ ኢትዮጵያ ዓቢዪ ለውጢ ከምዝህሉ ኣመላኺቶም

ኣብ ትግራይ ክልል ዘሎ ጭቡጥ ኩነታት ብዝምልከት ምስ መንግስቲ ኢትዮጵያ ንኽዛጠዩ ብፕሬዚዳንት ጆ ባይደን ዝተለኣኹ እቶም ሴናተር፥ ውፅት ጉዕዞኦም ኣመልኪቶም ትማሊ ንሴኔት ኣቕሪቦም።

እቶም ሴናተር ምስ ቀዳማይ ሚኒስትር ኣቢይ ኣሕመድን ካልኦት ሰብ መዚ መንግስቲ ኢትዮጵያን ዝነበሮ ፃንሒት ፅቡቕ ከምዝነበረ ብምግላፅ ምስጋና ኣቕሪቦም።

ጉዕዞኦም ብሓፈሻ ኣብ ኢትዮጵያ ዓቢዪ ምምሕያሽ ከምዘሎ ዝተዓዘቡሉ ኣዚዩ ወሳኒ ጉዕዞ ከምዝነበረ እውን ኣብሪሆም።

ኣብ ኢትዮጵያ ዘለዉ ፀገማት ንምፍታሕ ድሉውነት ከምዘሎ ዝገለፁ እቶም ሴናተር፥ ቀዳማይ ሚኒስትር ኣቢይ ኣብ ባይቶ ወከልቲ ህዝቢ ቀሪቦም ዝሃቡዎ መብርሂ ቆራፅነት መንግስቲ ዘርኢ ከምዝኾነ ከምኣብነት ኣልዒሎም።

መንግስቲ ኢትዮጵያ ምስ ሱዳን ዘሎ ውጥጥ ዶብን ጉዳይ ድርድር ግድብ ህዳሰ ኢትዮጵያን ብድርድር ንምፍታሕ ዘለዋ ድሉውነት ብዝምልከት እውን ናእደኦም ገሊፆም።

ቀፃልነት ዘሎ ሰብኣዊ ሓገዝ ምግባር፣ እቲ ጎንፂ ንምፍታሕን ዝቕፅል ሃገራዊ መረፃ ፍትሓዊ ንኽኸውን እናተሰርሐ ዘሎ ስራሕ ተስፋ ዝህብ ከምዝኾነ ከምዝተዓዘቡ እውን ተዛሪቦም ክብል ግዜኢ ፀብፂቡ።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

ይግበሩ/ራ!