ባይቶ ወከልቲ ህዝቢ ምምሕዳር ከተማ ኣዲስ ኣበባ ናብራ ነበርቲ ንምቕያር ዓሊሙ ንዝሰርሖ ዘሎ ስራሕቲ ከምዝንእድ ገሊፁ

እቲ ዘተ ሐዚ ዘሎ ምምሕዳር ከተማ ኣዲስ ኣበባ ሓላፍነት ካብ ዝርከብ ጀሚሩ ይፍፅሞም ብዛዕባ ዘሎ ስራሕቲ ትኹረት ዝገበረ ኢዩ ነይሩ።

ኣብ ቤት ፅሕፈት ከንቲባ ዝረኸብናዮ ሓበሬታ ከምዘረድኦ፥ ምምሕዳር ከተማ ኣዲስ ኣበባ ናብራ ነበርቲ ንምቕያር ዓሊሙ ንዝሰርሖ ዘሎ ስራሕቲ እቶም ኣባላት ባይቶ ንኢዶም።

እቲ ተግባር ንኻልኦት ከተማታት ኢትዮጵያ ተምሳሌት ከምዝኸውን እውን ሓቢሮም።

ብመሰረት እዚ እቲ ባይቶ ንኢንጂነር ታከለ ኡማ ሽልማት ኣፍልጦ ሂቡዎም።

ብቐፃሊነት ምስ ምምሕዳር እታ ከተማ ሓቢሩ ንምስራሕ ድሉዊ ከምዝኾነ እውን ኣፍሊጡ።