ኣሸንዳ፣ ማሪያ፣ ሻደይ፣ ኣሸንድዬ፣ ሶለልን ዓይኒ ዋሪን ኣብ ዩኔስኮ ንኽምዝገቡ ምድላው ሰነድ መምረፂ ምዝዛሙ ተገሊፁ

እቶም በዓላት ኣብ ውድብ ሕቡራት መንግስታት ዘይድህሰስ ሓድጊታት ኮይኖም እንተተመዝጊቦም፥ ካብ ኢትዮጵያ ኣብ ዘይደህሰሱ ወከልቲ ደቂ ሰብ ሓድጊታት ዓለም ዝተመዝገበ ሓምሻይ ዘይድህሰስ ሕድጊ ክኾኑ ኢዮም።

ዳይሬክተር ርክብ ህዝቢን መንግስቲን ሚኒስቴር ባህሊን ቱሪዝምን ኣይተ እንደገና ደሳለኝ ብግደኦም፥ ኢትዮጵያ ብመንፅር ለዉዋ ሃፍቲታት ተፈጥሮ፣ ታሪኽ፣ ባህሊን እንትረአ ብዓውዲ ቱሪዝም ክንዲቲ ዝድለ ከምዘይተረብሐት ተዛሪቦም።

እቶም ሓላፊ ኣብዚ ሕዚ ሸሞንተ ዝኾኑ ዓበይቲ ጥንታዊ፣ ታሪኻዊን ባህላዊን ሓድጊታት ኣብ እዋናዊ መዝገብ ዩኔስኮ ሰፊሮም ከምዝርከቡ እውን እቶም ሓላፊ ሓቢሮም።

በዓላት ኣሸንዳ፣ ማሪያ፣ ሻደይ፣ ኣሸንድዬ፣ ሶለልን ዓይኒ ዋሪን ኣብ ዩኔስኮ ምምዝጋቦም ኢትዮጵያ ካብ ዓውዲ ቱሪዝም ትረኽቦ ኣታዊ ካብ ምውሳኹ ሓሊፉ ኣብ ሞንጎ ህዝቢታት ክልል ትግራይን ኣምሓራን ዝህሉ ርክብ ብዝበለፀ ዘተኣሳስርን ዘቀራርብን ክኾኑ ከምዝኽእሉ ትፅቢት ይግበረሎም።