ኣብ ሻምፒዮና ኣትሌቲክስ ምብራቕ ኣፍሪካ ንዝተሳተፈ ትሕቲ 20ን 18 ዓመት ልኡኽ ኣቀባብላ ተገይሩሉ

ኣዲስ ኣበባ፣ 21 ግንቦት፣ 2014 (ኤፍ ቢ ሲ)ን4ይ ግዘ ኣብ ዳሬሰላም ኣብ ዝተኻየደ ሻምፒዮና ኣትሌቲክስ ምብራቕ ኣፍሪካ ንኢትዮጵያ ወኪሉ ዝተሳተፈ ትሕቲ 20ን 18 ዓመት ልኡኽ ኣብ ዓለም ለኸ መዕርፎ ነፈርቲ ቦሌ ኣቀባብላ ተገይሩሉ።

ኣባላት እቲ ጉጅለ ልኡኽ ኣብ ዓለም ለኸ መዕርፎ ነፈርቲ ቦሌ እንትበፅሑ፥ ሚኒስትር ዲኤታ ባህሊን ስፖርትን ኣምባሳደር መስፍን ቸርነት፣ ተቀዳሚ ምክትል ፕሬዚዳንት ፌዴሬሽን ኣትሌቲክስ ኢትዮጵያ ኣትሌት ገዛሀን ኣበራን ሓዊሱ ካልኦት ኣመራርሓታት እቲ ፌዴሬሽንን ኣባላት ማኔጅመንትን ብሕቕፊ ዕምበባ ድሙቕ ኣቀባብላ ገይሮምሎም።

እቶም ኣትሌታት ብመሰረት ዘመዝገቡዎ ውፅኢት እውን ሽልማት ተበርኪቱሎም፡፡

ኣብ ሞንጎ ሸሞንተ ሃገራት ምብራቕ ኣፍሪካ እናተኻየደ ዝፀንሐ ሻምፒዮና ኣትሌቲክስ ምብራቕ ኣፍሪካ ትሕቲ 20ን 18 ዓመት፥ ኢትዮጵያ ብ17 ወርቂ፣ ብሰለስተ ብሪ፣ ክልተ ነሓስን ክልተ ዲፕሎማን ልዑል በዝሒ ሜዳልያ ብመሓዝ ቀዳመይቲ ኮይና ዛዚማ፡፡